شباب قرية سنبو الكبرى يستقبلوا اول رحلة سياحة ريفية لقريتهم

 

1797134_796133297067267_1028964102_n

كتب-وليد شعلان- جمعية ارض الواقع تتبنى فكرة عبقرية لدعوة بعض سكان القاهرة لقضاء يوم سياحى بقرية ريفية عمرك يوم قضيت رحلة سياحية بقرية ريفية دوما بنقضى يوم سياحى فى الاهرامات – ونروح الفيوم والاقصر فيه ناس من سكان القاهرة ملهومش قرايب فى اى قرىة ريفية وناس تانية ليها قرايب فى الريف وبينزلو على طول زى حالاتى انما اليوم بتاعنا هيكون مميز يوم سياحى مش زيارة عادية —————————————————————– هننزل على 3 او 4 اسر يستضيفونا هناكل بقى فطير مشلتت وعسل نحل وجبنة قديمة وجبنة بيضاء وقشطة وعسل اسود وهناكل وسط الارض الزراعية وبعد الاكل بقى نتمشى شوية فى وسط الغيطان ونشرب شاى فلاحى فى الغيط وناخد جولة على العصارى كدة فى القرية ونتعايش مع الريفيين يومهم على الطبيعة وبعد كدة نتغدى ارز مدسوس ( معمر ) ومبروم ( كسكسى ) وفراخ وبطاطس وسلطة بقى ونحلى وشوية قصب بقى وماحلاه القصب ساعة العصارى —————————————————– الفكرة ببساطة ان لما نعمل رحلات ريفية الى قرى بسيطة وناخد ناس عمرها ماراحت ولازارت قرى ريفية الفوائد كثيرة اولا : رحلة من نوع جديد للفسحة للزوار ثانيا : الزوار يشوفوا باعينهم يعنى ايه حياة ريفية بعيدا عن صورة الريف فى الافلام والمسلسلات والاعلام ثالثا : ممكن نبدا نقول بداية مساعدات حقيقية بين اهل الحضر والمدن ولكن مساعدة بعد رؤية حقيقية رابعا : تواصل دائم بين الزوار وبعض الاسر الريفية اللى ممكن يبقى تواصل دائم مستقبلى ان شاء الله خامسا : استفادة الاسر المستضيفة بمبلغ مالى تقدر تعيش منه ويساعدها على قضاء حوائجها مستقبلا سادسا : عملية اعادة تاهيل للقرية والتحفيز لاستقبال افواج سياحية اخرى دا ممكن يبقى مشروووووووووووووووع قومى حقيقى ———————————————– الاهم من كل دا ان شباب القرية هما الى هيستقبلو الرحلة عشان نظهر للجميع بجد يعنى ايه كرم الريفيين ,, ويعنى ايه الشباب الريفى لما ياخد فرصة ويلاقى نفسه فى شئ بجد مفيد ——————————————– اول رحلة سياحة ريفية يوم الخميس 20 فبراير 2014 بقرية سنبو الكبرى – مركز زفتى – الغربية ….

يقود مجموعة الشباب مهندس / وليد السيد شعلان – صاحب الفكرة ورئيس مجلس الادارة وباقى اعضاء الفريق الذى سيقود فكرة تطوير القرية وهم : محمد نعيم سليمة محمد ايمن عباس ايهاب جمال بدرة احمد طارق شرف الدين محمد حماد حسب النبى محمد احمد جاد منار منير الديب خلود السيد شعلان ايه خالد شرف الدين مريم عبدالوهاب دغش

 

 

مقالات ذات صلة

التعليقات مغلقة الان