احلى تورتة جيلى وبالخطوات

اكلات ام ادهم

تورتة الجيلى 4باكو جيلى فراولة موز مقطع كيكة العادية او كيك اسبونج اول حاجة هنعمل الكيكة بتاعتنا عادى خالص ولما تبرد هنضوب الجيلى زى ماهو مكتوب على العلبة بس نقلل المياة شوية عن المكتوب وفى نفس الصنية هندوب 2باكو ونحطهم فى الصنية ونقطع الموز عليها وندخلها الفريزر لحد لما تمسك وبعدين هندوب باقى الجيلى ونضع شوية منة على الصنية ونضع الكيكة ومن الجناب هنحط باقى الجيلى وندخلها الفريزر شوية ونخرجها نحطها على النار بسرعة او نحطها فى مياة سخنة بسرعة ونقلبها وبالهنا

هنا الكيكة لما اتعملت
المقادير كوب سكر
كوب لبن
كوب الا ربع زيت
2كوب ونصف دقيق
بكنج بودر فانليا
3 بيضات
الطريقة نضع السوائل كلها مع بعض فى الخلاط وننخل الدقيق مع البكنج بودر ونضع الخليط فى بولة وننزل علية بالدقيق ونقلب وندهن صنية سمنة ونعفرها دقيق ونصب بيها الخليط ونضعها فى فرن 180 لمدة 35 دقيقة ونسبها تبرد

هنا قطعت الموز وحطيتها فى الصنية بعد لما عملنا الكيكة وشلنها من الصنية هندوب 2 باكو جيلى فراولة على 3 كوب ماء ساخن وندوبها ونضعها فوق الموز وندخلها الفريزر لمدة ساعة او اكتر

 هنا لما خرجتها من الفريزر وندوب 2 باكو جيلى فى 3 كوب ماء ساخن ونضع نصف الجيلى فوق الطبقة الاولة الى خرجنها من الفريزر

هنا قسمت الكيكة نصفين وحطيت الجزء الاول فوق الجيلى

هنا حشتها كريم شانتى

هنا حطيت الجزى التانى من الكيكة ونزلت باباقى الجيلى من الجناب ونظغط عليها وندخلها الفريزر حوالى 2 ساعة

شايفين بعد لما خرجتها من الفريزر ومررتها على النار بسرعة وقلبتها

مقالات ذات صلة
التعليقات
Loading...