الاكلير ع طريقة بوبوس

الاكلير ع طريقة بوبوس
٣كوب دقيق
كوب الا ربع زيت
كوب ونص ماء
رشه ملح ورشه سكر
رشه فانيليا
٥بيض
للحشو والتزيين
نوتيلا شكولاته وده طبعا اختيارى ممكن تحشيه كريم جانتيه وممكن كريمه باستير زى ماتحبى

هنا حطيت المايه والزيت ورشه الملح ورشه السكر ف حله ع النار ونسيبهم لحد ما يغلوا زى ما انتو شايفين

وهنا بعد ما المايه والزيت غليو حطيت الدقيق كله مرة واحده وقلبت بسرعه لحد ما اتشرب المايه والزيت وبأه بالشكل ده اشيله من ع النار واسيبه يبرد

وهنا بعد مابرد شويه حطيته ف المضرب الكربائي وبدأت اضيف البيض واحده بواحده مع الفانيليا

وهنا فرشت صنيه بورق زبده وحطيت العجينه ف القمع وبدات اشكلها بالشكل ده وهنسيب بينهم مسافات لانها هتكبر ف الفرن وندخلها فرن ساخن ع ٢٠٠ف الرف اللى ف النص ع الشبكه لمده عشر دقايق وبعدين نوطى النار ل١٨٠لمده ٢٠دقيقه وبعدين نطفى ونسيبه جوة الفرن خمس دقايق وده كله من غير مانفتح الفرن عليه خالص مهمه اوى طريقه التسويه دى

وهنا بعد ما طلع من الفرن شايفين نافش وحلو ماشاء الله ازاى

هنا شايفين من جوة نافش ازاى ومستوى هنا بأه انا حشيته بالنوتيلا وحطيت عليه من بره نوتيلا انتى بأه تحشيه زى ما تحبى وع فكرة ممكن تحشيه جبن ويكون حادق مش حلو وبيكون حلو اوى بردوة وبالف هنا

مقالات ذات صلة