البسبوسة بالاكياس الجاهزة ع طريقة بوبوس

البسبوسة بالاكياس الجاهزة ع طريقة بوبوس
المقادير
كيس دقيق بسبوسه
كوب زبادى
معلقتين كبار سمنة بلدى
نص معلقه صغيرة بيكنج بودر
رشه فانيليا
معلقه كبيرة ماية
معلقه طحينه خام لدهن الصنيه
كاجو للتزيين
مقادير الشربات
3 كوب سكر
كوب ونص مايه
نص ليمونة
رشه فانيليا

جبت بوله وحطيت فيها السمنه البلدى وهبدأ اروبها بإيدى لحد ما تسيح خالص

هنا ضفت ع السمنه دقيق البسبوسه والزبادى والبيكنج بودر والفانيليا ومعلقه المايه وهبدأ اعجنها بايدى لحد ما تتكون عندى عجينه متجانسه وناعمه

هنا جبت الصنيه ودهنتها بالطحينه الخام بالشكل ده ودى تكه من تكاااااااااتى ف البسبوسة

وهنا بعد ما عجنت كل المقادير مع بعض فردتها ف الصنية بالشكل دة

وهنا حددتها بالسكينه عشان تكون سهله معايا ف التقطيع بعد السوى وزينتها بالكاجو وممكن سودانى او اى مكسرات تانيه وممكن من غير اى مكسرات خالص وهدخلها فرن ساخن حتى تستوى ويحمر لونها واول ما تطلع من الفرن هسقيها بالشربات الدافئ يعنى لا سخن ولا ساقع دافئ ودى خطوة مهمه جدا واول ما اسقيها بالشربات ارجعها الفرن تانى لمده خمس دقايق ودى تكه تانيه وبعدين اطلعها اغطيها عشان تفضل طريه وبالف هنا

مقالات ذات صلة
التعليقات
Loading...