البيتفور ع طريقه بوبوس

اكلات بوبوس

المقادير
2كوب ونص زبده بحراره المطبخ
كوب وربع سكر بودرة
3بيض
5ونص كوب دقيق منخول
نص كوب كاكاو خام
معلقه صغيرة بيكنج بودر
فانيليا
رشه ملح

الاول حطيت الزبده ف المضرب وضربتها لغايه ما بأت بالشكل دهوهنا حطيت عليها السكر وهضريهم مع بعض شويه
شايفين بعد ما ضربت السكر بأه شكلها ازاى هنا بأه ضفت البيض والفانيليا وهتضربهم مع بعض

وبعد كده ضفت خمس اكواب دقيق بس وهضربهم مع بعض

وده شكل العجينه بعد ما ضفت الدقيق هنا بأه هقسمه نصين نص هحط عليه نص كوب الدقيق الباقي والنص التانى احط عليه نص كوب كاكاو خام

هنا اخدت جزء من الابيض وجزء من الكاكاو وهفردهم جمب بعض

وهنا عملت كل الاشكال وحطيتهم ف الصنيه علطول من غير ما ادهنها اى حاجه وهخبزها ف فرن ساخن ع درجه حراره 180ع الرف التالت ع السلك والصاجه هحطها من اول دقيقه هياخد ربع ساعه

مقالات ذات صلة
التعليقات
Loading...