بتى فووووووور العيد ولا اروع من كدة بطريقة طمطم

المقادير :
كيلو دقيق
نص كيلو زبدة بحرارة الغرفة (زبدة نيوزلاندى اللى ب40 جنية الكيلو )
ملعقة سمنة بلدى للطعم
كوب سكر بودر
ملعقة كبيرة بيكنج بودر
كيسين فانيليا
3 بيضات مستورد احمر او 4 بيضات بلدى بحرارة الغرفة

 الطريقة:

بسم الله
نحضر وعاء غويط او حلة ونضع الزبدة ولازم تكون سايبة بحرارة الغرفة

نضع عليها السكر البودر ونقلب يايدينا كويس اوى وندعك لحد ما يتجانسوا كويس اوى وممكن فى العجان بس انا حبيت اوريكوا الطريقة بالايد
وبعدين نضع البيض بيضة بيضة ونعجن وننزل بالفانيليا

هنا شكل الخليط الزبدة والسكر والبيض والفانيليا
بعد ما اندمجوا كويس اوى

نكون ناخلين الدقيق مع البيكنج بودر وننزل بية شوية شويه ونعجن لحد ما العجينة تتجانس بس منعجنش اوى لان البتى فور مش بيتعجن اوى زى الكعك

وادى بالشيكولاتة وانا قولتلكوا قبل كدة لو هاتعملوا بالشيكولاتة تشيلو كوب دقيق وتضعوا كوب كاكاو
نبدا نشغل الفرن على 180 درجة ونضع البتى فور مش بياخد وقت كتير 20 دقيقة تقريبا اول ما يتحمر بس مش اوى من تحت نشغل الشواية من فوق للوجة

 

وادى النتجة بعد التسوية وبالف هنا

مقالات ذات صلة