جاتوة الشطرنج -بطريقة طمطم

اكلات طمطم

المقادير دى مقادير الاسبونج كيك بتاعتى انا عملتها فى صينية مربعة كبيرة عملت على اد 4 بيضات لانى جربت اعمل بيضتين بس الطبقة كانت رقيقة مش تخينة انا عملتها فى اكبر صينية مربعة اللى موجودة فى طقم الصوانى المربعة وهانزلكوا الطريقة واحدة واحدة فى الصور

هنا حطيت اربع بيضات فى بولة مع رشة ملح ولااااااااااازم البيض تبقى مطلعاه من التلاجة قبلها بيوم انا اصلا مبحطهوش فى التلاجة خالص المهم تضعى رشة الملح ولو عندك بيكنج بودر محسن كيك يبقى تمام معندكيش وعندك بيكنج بودر عادى يبقى تحضرى نص ملعقة خل دى بديلة للمحس

 

المهم ضربت البيض شوية وبعدين نزلت بالسكر كوب الا ربع او 150 جرام سكر وكملت ضرب شوية وبعدين حطيت الخل لو معندكيش بيكنج بودر محسن كيك وكملت ضرب وبعدين حطيت ربع كوب ماء ولا ساخن ولا بارد وكملت ضرب

لحد ما البيض يبقى مرتفع اوى ولما ترفعى المضرب يعمل زى المنقار

هنا طبعا كنت محضرة من قبلها 160 جرام دقيق وشيلت منة ملعقة صغيرة ووضعت ملعقة نشا وحطيت نص كيس بيكنج بودر محسن كيك ولو معندكيش هاتحطى 3/4 ملعقة صغيرة بيكنج بودر عادى وننخلهم كلهم مع بعض وكل دة طبعا يكون متحضر من قبلهاولو هانعملة بالشيكولاتة بنشيل نص الدقيق ونضع نصة كاكاو المهم ننزل بالدقيق براااااااااااحة ونقلب من تحت لفوق حبة حبة
بقلب براحة اهو ولاززززززززم نجيب من تحت لان الدقيق تقيل بينزل بسرعة لتحت

نزلت بالخليط ووزعتة كويس على فكرة دى اكبر صينية مربعة فى طقم الصوانى المربعة

هنا هادخلها الفرن 15 دقيقة فقققققققققققققط وبعدين اطفى الفرن واخليها شوية عشر دقايق

 
ادى النتيجة انا مش عاوزاها وشها يتحمر اوى هى ربع ساعة بس هاتستوى بسرعة لانها طبقة رقيقة

هنا انا قسمتها نصين بالطول يعنى دة اول نص والشيكولاتة نفس الحكاية وحضرت بقى الحشو لاااااااااااااااازم كريمة زبدة غير كدة مش هاتعرفوا تعملوها شطرنج مش هاتبقى حلوة خاااااااااااااالص كريمة الزبدة كوب زبدة بحرارة الغرفة 3 كوب سكر بودر 6 ملاعق مية نضرب كل دة مع بعض كويس فى الكبة لما تنعم وتبقى طرية

 هنا دهنت اول طبقة كريمة زبدة مش كتير بس حطوا طبقة زى اللى انا عملاها دى وساووها كويس

هنا وضعت فوقها الشيكولاتة وبعدين دهنت كريمة زبدة وحطيت فوقها الفانيليا وبعدين دهنت ووضعت الشيكولاتة

شايفين كدة بقى شكلها ركزوا معايا بقى علشان تشوفو ازاى بعملها شطرنج

 بقسمها 3 قطع بالطول زى كدة طبعا واضح قدامكوا ان الكيكة الشيكولاتة مكبوسة والفانيليا عالية شوية طبعا انا قولتلكوا على السبب المهم شايفين اول واحدة عالشمال انا منيماها ازاى لانى هادهنا كريمة زبدة وهاضع الطبقة اللى بعدها فوقها بس ناخد بالنا اننا نعملها عكس بعض هاتشوفوا فى الصور اللى جاية

اهى انا حطيتهم فوق بعض تانى وهاقلبها على جنبها

شايفين عملت ازاى لانى وانا بضع الطبقات لما قسمتها بالطول بقيت اضع الشيكولاتة فوق الفانيليا

اهى قدامكوا دخلتها التلاجة متغطية بكيس على سرفيس لحد ما احضر الكريم وشانتى بتاعى علشان ازوقعا من عالوش هاتدهنوها من عالوش بالكريم شانتى وبعدين تقطعوها زى الجاتو وزينوا بقى براحتكوا

وادى النتيجة خدوا بالكو مقادير 4 بيضات لكل صينية يعنى هانعمل مرة فانيليا ومرة شيكولاتة

مقالات ذات صلة