طريقة عمل فطائر طمطم المقلية

1798477_585370064884448_1996939239_n

المقادير

:(للكمية اللى قدامكوا بس ناقصة 3 قطع اكلتهم )
كوب ونص دقيق
ملعقة ونص زيت
نصف بيضة
نص كوب لبن دافى
نص ملعقة خميرة
ملعقة سكر
رشة ملح

اول حاجة هانشغل الخميرة نضعها فى اللبن الدافى مع ملعقى السكر ونقلب ونسيبها نص ساعة تعلى

هانضع كل المقادير مع بعض ونعجنها لما تبقى عجينة نااااااااعمة لااااااااااازم ولو احتاجت ماء ضيفوا شوية صغيرة جدا بس اهم حاجة الدقيق يكون منخول 3 مرات قبل ما نعجنة

شايفين العجينة ناعمة ازى هانغطيها لاونسيبها تخمر ساعة

اهى بعد الخمر

نرش دقيق فوق وتحت ونفردها وناخد بالنا منفردهاش تبقى رقيقة اوى يعنى تبقى وسط

وهنا حشيتهها اللحمة المعصجة مع بطاطس قطع صغيرة مستوية معاها وفى الاخر بقدونس بجد لو جربتوها مش هاتندموا وهاتحشوا بيها الدوائر وممكن لانشون وجبنة انا عملت نوعين جبنة شيدر مع لانشون

هنا بقى اهم خطوة لازم تدهنوا الاطراف مية وتلزقوها كويس اوى وتدوسوا على الاطراف لانها ممكن تفك فى الزيت ودة اللى حصل معايا

هنا فى صينية مرشوشة دقيق وضعتهم وغطيتهم نص ساعة لااااااااااازم

سخنت الزيت العميق ووضعتهم وخليت النار متوسطة علشان يستوا شايفين فى واحدة فتحت منى لانى مقفلتهاش كويس وانتوا واقفين بالملعقة خدوا الزيت وعالعجينة انزلوا بية كل شوية علشان تستوى كويس

وادى النتيجة زى الف من جوة هاش وطعممممممممممممممممة والله ماهتصدقوا

بالف هنا اكلات جني

مقالات ذات صلة