مسحراتي في حب مصر

images (1)

بقلم- ناجي مرسي

إصحي يا نايم.. إصحي يا نايم.. جايلك بكره وكله غنايم..جايلك فرصة تصحي ضميرك.
إدلي بصوتك وارجع سالم.. بكره و بعده حتثبت ذاتك.. انزل وري الكون امجادك.
خد اصحابك خد احبابك.. قول للناس والدنيا انا مصري و مصر حترجع امن ولادك.
اصحي يا عايدة و اصحي يا فايد.. يجعل صوتكم كله فوايد.. ليكو و لينا ولاولادكم يصبح بكره
بالخير عايد.. و إنتي يا سالمة يسلم صوتك مصر حتقوي بفضل وجودك.
يالا يا بطرس يالا يا مينا خللي اللجنة تاخد اسامينا.. و انت يا طارق دايما فارق يوم ٣٠ كان صوتك
سابق.. إنزل تاني و أيد صوتك رشح ريس قولوا شروطك.. وإنتي يا عزة يا رمز العزة.. شايفك صاحيه وجاهزة لبكره.. إوفي بوعدك وإدلي بصوتك دي الوطنية في طبعك لذة.
و إنت يا عادل خليك عادل إدلي بصوتك واوعي تجادل.. اوعي تفكر تنكر نفسك حتي لو إنت لوحدك
فاضل.. واحد يفرق زي ألوف إوعي تعاند بكره تشوف.. و إنتي يا ناديه نهارك نادي.. إسألي جوزك
عبد الهادي لو ماصاحاش من بدري وشارك ينفع بكره بحقه ينادي؟.. و إنت يا سمعه يا مفتي الجمعه
يصلح حالك شفلك صنعه.. إعمل حاجه يكون لها معني.. بكره العالم كله سامعنا.
و إنت يا بكري يا شاغل فكري.. بكره تقوم من نومك بدري.. إدلي بصوتك و إدعي لبلدك بالخير دايما ربك يهدي.. و إنتي يا منة يا بنت خليفة.. ياللي في فعل الخير حريفه زودي خيرك وإدلي بصوتك.. إنتي الرمز لكل عفيفه.. مصر حتفضل شايلة جميلك واللي قالولك إوعي تشاركي.. فاكرين
مصر حتبقي ضعيفه.. مصر حتفضل أم الدنيا.. فخر لإبني و بنتك دنيا و لاولادهم و لاحفادهم.
عشتي يا مصر و راسك عالية.. عشتي و عاش الكل في خيرك.. حارسك ربنا من عين غيرك.
يجعل رزقك دايما غانم.. يجعل بلدك دايما سالم.
حبك جوه قلوبنا عزيمه صحت فينا ضمير النايم……… مسحراتي يا مصر بحبك……..
إصحي يا نايم.. إصحي يا نايم

—————————————————————-

ابو كريم الاسكندراني الشهيربناجي
مدينة ميلانوـ إيطاليا
٢٥ـ٥ـ٢٠١٤

مقالات ذات صلة

التعليقات مغلقة الان